غزل
لکه د تېر په څېر یې و ګوره انجام نن سبا
له ګېره وتی مو د کلې دی امام نن سبا
ستا بلا واخلم در وارې شمه ، لوګی شم ساقي
درنه چپه نه شي کاواکه وړې بیا جام نن سبا
له ستوني مه رانیسه شور د یویشتمې پیړۍ
ژوند به روان وي زور به هم شي ستا تمام نن سبا
نن هغه بند او دغه بند ، سبا په بل څه بندیز
د بندیزونو پیټی دروند مې وړي دا قام نن سبا
د محتسب دوره دې دومره اوږده شوی ده چې
پردۍ تور سرې ډبوي هم سر عام نن سبا
بارت را اوري مې په خاوره له فضا د پنجاب
موږ د مباح علم په سر اخلو الزام نن سبا
غیږه دې دومره تنګه شوې چې له ځان پرته دې
بل درته نه ښکاري بچی هم د اسلام نن سبا
شکونه ورو ورو په یقین د بدلیدو خواته ځي
پر ما حاکم نه کړي غلام ابن غلام نن سبا
راشه مرهم شه دې ناسورو پرهرونو ته لږ
دا خاوره نه غواړي د وینو بل حمام نن سبا
۴کتل
